2016 鹿兒島 4日3夜 之旅_ Day 2

Day 2 _ 2016 / 8 / 20 (六)

出發前, 我己經病到差D出唔到聲了, 睇咗醫生比埋抗生素我食tim ....

但就因為食咗抗生素後, 胃部非常不適, 昨晚, 我成晚都冇乜點瞓, 仲要3-4時肚勁痛要爬起身去厠所.......

今日旅館包早餐, 日式早餐

先黎合照一張

 鬼鬼馬馬

 Day 1 晚住的指宿こころの宿外觀

呢幾日代步的車仔

Day 2 第一個行程 : 熱沙浴 @砂樂 ,
黎到指宿 有時間就一定要黎試下熱沙浴,

會館人員會比套浴衣你更換, 內裏當然咩都唔著得啦, 熱沙浴前黎個自拍照先.   

朗仔好曳曳豬, 踏媽媽 !  ( 其實佢幫我用腳踢走我身上D沙 )

其實真係幾得意, 等我講一講個過程:

當你換好晒浴衣後, 就按指示到熱沙池, 首先工作人員會指示你瞓落個坑,  當你瞓落去嗰下, D沙熱熱地, 跟住工作人員會一摌一摌將熱沙舖上你身上, 只剩下個頭冇被埋, D沙好重, 我覺得自己好似比鬼壓一樣, 除了頭部外就全身動不得. 5分鐘後, 你會feel 到身體開始流汗, 大約10分鐘就可以起身, 跟住去沖洗走身上的沙, 再黎個 溫泉浴浸一浸 ..... 成個人鬆晒 !!!  

成個沙灘都黑色  d沙仲熱熱騰騰添

我地休息完一輪後，離開砂樂 去下一個景點

大約10:30 黎到呢個指標 --  黃色郵筒

這個曾被稱為全日本最南端之車站 - 南大山駅 （自從沖繩有了架空列車後, 就不是最南了, 但呢個牌繼續保留. ）後面座山就係~ 開聞岳.

在車站影咗幾張相後 ，帶大家過對面呢間小賣店黎睇野買野同食野。呢間除咗賣手信內, 仲可以買明信片放入黃色郵筒寄回港添，而我就冇買明信片但就買咗張車飛作留念。

大約停留半個鐘後 上車出發去另一個景點了

在車站附近 - 唐船峽 ～鱄乃家

 

我地點了 2個A套餐 +1個B套餐 , 就可以釣二次魚.  啱成朗仔玩. 佢超級興奮, 可以真真正正玩釣魚發燒的現在版. 

 當地職員叔叔教朗仔釣魚..

 過咗一陣, 紅姑丈就釣到一條了.

有刺生的A套餐.

碗麵的份量都大, 放在桌上中間位置, 則邊圍住的團團轉動的泉水. 將麵放上水上流動數圈, 夾起食得 !!   

食完流水麵，去池田湖行下 影下相

時間都唔早 ，要起程回鹿兒島市內，欣賞今晚的大型節目-煙火大會

2016 鹿兒島 4日3夜 之旅_ Day 1

Day 1 _ 2016 / 8 / 19  ( 五 ) 晴

早上乘坐10:50 UO 3820 HK express 航機由香港飛去鹿兒島. 今次 : 紅姑, 紅姑丈, 朗仔, 爸爸及我 5人團出發.

 

大約3個鐘時間( 當地時間 15:00 ) 到達鹿兒島國際線機場, 國際線機場非常細, 可能當時只有我地呢一班機, 所以感覺佢地辦理入境手續都非常暢順, 連埋拎行李都大約15:50 搞掂晒可以離開機場添 !!

今次我地選擇ORIX 租車公司租車, 正正在機場對面, 因為時間關係我地唔等接駁巴士就選擇步行過對面去取車, 填寫簡單資料, 租車公司職員就駛部車仔比我地喇.

16:00出車, 先SET 定第1個目的地--> 鹿兒島 Aeon Mall ( イオンモール鹿児島 ) 
大約駕駛了1個鐘時間(大約1700 ) 到達, 呢間係鹿兒島內最大型Aeon Mall , 我地一到步就分頭遊逛.

唔知點解, 咁大個仔, 一見到就話要坐款車仔, 仲一定要選比卡超坐.

扭咗個比卡超公仔比佢. 

仲要一定入去兒童區玩遊戲 ......

在那兒我又買咗2件衫比自己.

大約 19:20 集合, 到是但一間食店食面.

我流風拉麵,

我曾經爬過文, 話係鹿兒島第一家拉麵店, 放是入去試下.
我地4大1 細 叫了 3碗豚骨拉麵 + 餃子, 原本好地地食, 點知.....
突然間, 成班內地團友入內點餐, 佢地仲非常非常之嘈抄, 令到我地好唔舒服, 於是我地都快快食完比錢離開,  再到超市繼續Shopping ..

在超市, 我地買咗果酒, 魚生, 小食, ......
仲有買埋呢個, 今晚的餘興節目...

黎到今晚入住的旅館 指宿こころの宿 Check in 先

放底行李, 又開餐..

飲飽食醉後, 行出旅館的空地放煙花. 佢地玩得好心呀.. 

Orix 租車公司
鹿児島県霧島市溝辺町麓1342-3

0995-58-4182 

07:30 ～ 21:00
從鹿兒島機場走路５分（提供免費接送服務）

鹿兒島 Aeon Mall ( イオンモール鹿児島 )
〒891-0115 鹿児島県鹿児島市東開町７番
099-263-1800
09:00 〜 22:00


指宿こころの宿
〒891-0404 鹿児島県指宿市東方9227- 6
0993-23-0810